建制需要推卸責任，
藍絲需要追究責任，天作之合也。
政府最需要將自己施政之失推畀其他人
建制都需要推走自己同政府嘅無能
於是不停總結出唔同理由畀藍絲廢老
一時係抗爭攬抄黑暴累香港
一時係大學出問題，一時係外國勢力介入
一時係年輕人買唔到樓問題
最近就係香港電台同通識教育出現問題。
總之千錯萬錯，政府自己一定無錯
問責官員唔可以問責，唯有向其他人問責。
藍絲廢老最簡單，
佢哋只需要一個簡單理由就可以支撐自己價值觀
唔理你話係抗爭累事、教育洗腦定係經濟太差
總之你畀到一個表面合理嘅原因我，我就可以說服自己
我就可以唔分對錯，唔深究合唔合理，
企番上道德高地指鬧我睇唔過眼嘅任何人。
所以小粉紅聽到武漢肺炎係美國軍人傳入就好開心
因為佢哋就係需要一個說法，
一個可以幫佢想相信嘅立場站得住腳嘅說法
然後佢就可以用嚟世界通行，周圍搵後輩說教。
「新聞點會錯啫？」「邊度新聞？」「WeChat新聞囉」⋯
香港政府連「頭痛醫頭，腳痛醫腳」都稱不上
係頭痛醫腳，腳痛醫賓周
真正攬抄係是非不分，只識不斷委過於人
任由問題繼續發酵，搵年輕兩三代人一齊再出發去死。
IG：@hkgirlfriend
FB：港女友
Search